" هاققیشقا "
بو اویونون وصفینده بئله گلیپ :
اویونچولار ایکی دسته یه بؤلونرلر. بیر محدوده تعیین ائدیلیب دسته لرین بیری ایچری گیره ر و او بیریسی ائشیکده قالار. ائشیکده کی لرین بیری ، بیر قیچین ییغار و تک قیچلی آتلانا – آتلانا ( هاققیشقا ) ایچریده کی لری قووالایار و جهد ائده ر اونلاری وورسون . هر هانسینا الی ده یرسه، او گرک اویوندان چیخا. ایچریده کیلرین بیری محدوده دن ائشییه چیخارسا ، یانیب و اویوندان چیخار.هاققیشقا گئدن یورولانا کیــــمی ایچریده کی لری قاوالاییب ، ووماغا چالیشاجاق. ائله کی دوشــــــدو( آیاغین یئره قویدو ) یولداشلاری نین بیر آیریسی هاققیشقا گلر و اویون بئله لیک ادامه تاپار. ایچریده کی لرین هامیسی وورولسا، بو دفعه ائشیکده کی دسته ایچری گیره ر و او بیرسی دسته ائشیکده قالار. یوخ، حتی بیر نفر ده ایچری ده کی لردن جان قورتاریب وورولمازسا و ائشیکده کی لرین هامیسی دوشرسه، یئنه همان دسته ایچریده قالار و اویون یئنی دن باشلانار.... .
فارسجا :
یک نوع بازی دسته جمعی است که بازیکنان در دو گروه جمع می شوند.محدوده ای تعیین میکنند و یکی از گروهها در داخل و دیگری در بیرون قرار میگیرند.یکی از نفرات بیرونی ، لی لی کنان نفرات داخل محدوده را دنبال می کند و می کوشد تا آنها را بزند . به هر کدام از بازیکنان که دست بزند ، او باید از بازی خارج شود . چون این بازیکن خسته شد ، یکی از هم تیمی هایش ادامه می دهد . اگر همه افراد داخل محدوده زده شوند ، جای تیمها عوض می شود . اگر یک نفر در داخل باقی بماند و همه افراد بیرونی بیفتند ، در مرحله بعدی باز تیمها در جای اول خود خواهند بود.
قایناقلار ؛
پرویز زارع ، بازی های محلی آذربایجان
علی ظفرخواه ، فولکلور خزانه سی